गोजीची भटकंती

Gojichi BhatkantiPosted by Snovel on Wednesday, November 22, 2017

गोजी नावाच्या एका चुणचुणीत आणि धाडशी मुलीची ही कहाणी. थोडी खरी, थोडी तिच्या कल्पनेतील. जशा सगळ्याच कहाण्या असतात.

एके दिवशी गोजी तिचा लहान भाऊ टीटूला घेऊन बागेत गेली असता टीटू अचानक ‘गुप्त’ झाला. पण गोजी घाबरली नाही. गोजीने त्याच्या शोधात केलेल्या भटकंतीची ही कथा आहे. या भटकंतीत तिला  हत्तीआजोबा, साधू ‘अंकल’, ‘हनी’माऊ, वानरदादा, जादुगार आजी आणि एकाक्ष राक्षस अशी नमुनेदार पात्रे भेटतात. अनेक अकल्पित प्रसंगातून तिला जावे लागते. तिच्या प्रवासाची आणि प्रयासाची  ललित लेखक विजय पाडळकर यांनी सांगितलेली ही मनोरंजक रसाळ कथा- ध्वनी-पुस्तकाच्या [ Audio Book] आधुनिक स्वरूपात.

मुलांसाठी आणि ज्यांनी मनात मूल जपलेले आहे त्या प्रौढांसाठीही....
गोजीच्या करामतीच्या आणखी अनेक कहाण्या आपल्याला ऐकवायच्या आहेत.
ही पहिली.

प्रमुख वितरक : ‘स्नोवेल’ पुणे

 दिग्दर्शक: वरुण नार्वेकर

ध्वनी आणि संगीत : अक्षय वैद्य

गोजी : अनुष्का आपटे  / इतर सर्व पात्रे : दिलीप वेंगुर्लेकर